प्यारो जीवन

(कविता )
प्यारो जीवन

सरण राई

कति पटक लडेँ
थाहा छैन मलाई
जति पटक लडे पनि
उठेर बढनु पर्छ
सम्झाउँदै हिडायाे जीवनले मलाई
तसर्थ पनि मभन्दा ठूलो जीवनै हाे
जसले बाँच्न सिकायाे दु:खमा पनि मलाई

बाँच्नु भन्दा ठूलाे केही छैन है भाई
धन्यवाद दिन्छु यसरी सम्झाउने प्यारो जीवनलाई !

२०७४/८/१३/४,धरान

जीवनको कविता

जीवनको कविता

सरण राई

जब अग्घोर निरास हतोत्साहित हुन्छु
सहाराको धर्सो, एउटा सानु उज्यालो
मन अडेसो लाग्ने कुनै बिसौनी--कहिँ कतै देखिन छोड्छ
तब फूलहरु भए ठाउँ जान्छु

मुस्कुराउँदै गरेको उनीहरुका स्वागतमा
सबै सबै दु:ख,सान्सारिक वेदना दर्द सब बिर्सन्छु
आनन्द मोहकता सौन्दर्यमा रमाएर
आफैलाई आफैलाई पनि बिर्सन्छु
मात्र सम्झिरहन्छु-- जिउँदो छु, जिउदो रहुन्जेल
फूलहरुबाट आनन्द मोहकता सौन्दर्य
पैंचो लिएरै भएपनि हाँस्नुपर्छ , बाँच्नुपर्छ !

https://saranr.blogspot.com

😍