(आजकाे कविता)
सपना-सपनाहरू अनुपम!
सबसब... सब छुटे ।
साथ सपनाकाे नछुटे
रिक्ततासँगै बाँच्न सकिदाेरहेछ
कृत्रिम नै भए पनि हाँस्न सकिदाेरहेछ ।
सपना नयाँनयाँ ।
गईसकेकी तिनी आईरहे
तिमी सपनामै झुल्किरहे
ओइलाएकाे मन बाैरिदाेरहेछ
सुकिसकेकाे बुढाे तन पनि फुल्दाेरहेछ ।
जबसम्म सपना हुन्छ...
म हुन्छु। सपना सपनामै भए पनि
म हुन्छु र मेरा लागि मेरै संसार हुन्छ
मेरै एकलाैटी हकभाेगकाे सपना हुन्छ
रचना सृष्टि माेहकता सपनाकै रमझम रमझम
तिमी/ तिनी सम्झिरहने मन बाँचिरहेकाे हुन्छ
सपना संसार साैन्दर्य प्रेम हुन्छ झलमल-झलमल अनुपम !
...
अनुपम!
साथ सपना
सपना-सपनाहरूअनुपम ।
२०८२/८/८/२ (सपनामै बाँचिरहेकाे दिन)
