(कविता)
जाेम्वी (Zombie)
सरण राई
कति पटक मर्छ ?
जब इमान डगाउछ- आधि मर्छ
अन्तरमनकाे पुकार सुन्न छाड्छ- तीन चाैथाइ मर्छ
राष्ट्रघात गरेपछि- पूरै मर्छ ।
सतप्रतिशत मरेकाे ऊ जाेम्वी
जिउँदाहरू विरुध्द उपयाेग गरीन्छ
मरिसकेपछि पनि मर्न नपाउने ... जाेम्वी !
मुर्दा भईसकेपछि पनि-
जनघात राष्ट्रघातमा प्रयाेग गरिने ...जाेम्वी !
तसर्थ मर्नका लागि भए नि
जे गरे नि... कहिल्यै राष्ट्रघात नगराैँ ,र
मुर्कुट्टा पिसाच जाेम्वी नबनाैँ , लै लै !
२०७८ जेठ २४, लकडाउन
परिमार्जन २०८० माघ ४, धरान
No comments:
Post a Comment