सर्वसाधारण आममान्छे र नेता
सरण राई
दुब्लो मरन्च्यासे भावुक अनुहार भएको
शिर ठाडो पारेर केहि गम्दै गन्दै
केहि खोजिरहेजस्तो
भेट्ला भेट्ला जस्तो गरी केहि ताकिरहेको
टिठलाग्दो मानिस सडकमा पैदल हिडिरहेको
भेट्यो भने सम्झे हुन्छ
लोभ र पापले नछोएको
ऊ सर्वसाधारण आमसाहित्यकार हो |
राजसी ठाटबाटसित
मान्छेलाई हप्काउदै दप्काउदै हियाउदै
उसको गाडीले भरसक मान्छे किच्चाउँन खोज्दै
पुष्ट भरिलो तर घिनलाग्दो अनुहार भएको मान्छे
भेट्यो भने सम्झे हुन्छ त्यो नेता हो |
दुर्घटना भयो
कारमुनि किचिएर मानिस मरेको देख्यो भने
सम्झे हुन्छ त्यो मर्ने मानिस सर्वसाधारण आममान्छे हो
किच्चाएर मार्ने अरु कोहि नभएर उनीहरुले विश्वास गरेको नेता हो !
२०७१ कार्तिक १, धरान
