हामी लहर हौ

असन्तुष्टि हामीभित्र
हामी अन्यायको बिरोधमा
शोषणको बिरोधमा  उभिन्छौ   माथा बनेर
छालहरु समुन्द्रको एक पछी एक
अनेक लहर भएर उभिन्छौ  |

झुल्किरहेको प्रभातको रातो घाम हेरेर
हामी आफूभित्र साहसको संचार गर्छौ
फैलिरहेको हिंसाको बिरोधमा
हामी मानवताको गीत गाउछौ
मेची हाम्रो हो अनि महाकाली
सुस्ता हाम्रो हो
हाम्रो हो लाखौ सहिदहरुको रगतले  रंगीएको देश
हाम्रो हो हजारौ हिमाल र पर्बतहरुले सुशोभित देश |

श्रध्दा मुटुभित्र
नेपाल हाम्रो पुण्यभूमि
प्राण हाम्रो पुन्यभुमिमा चढ़ाइने फूल
विकाशको खुड़किलाहरू एक पछी अर्को
क्रमस चढ़दै हामी उक्लिंछौ
रोइरहेकी आमाको आँसु हेरेर
हामी छोराको भविष्य कल्पन्छौ
बढिरहेको थिचो-मिचोको बिरोधमा
हामी अमर संधर्ष गर्छौ
ढ़ाकर हाम्रो हो अनि तोक्मा
खुकुरी हाम्रो हो
हाम्रो हो पसिना र रगतले मुछिएको जीवन
हाम्रो हो भोक र प्यासले रापिएको  कठॉर जीवन |


असन्तुष्टि हामीभित्र
हामी अन्यायको बिरोधमा
शोषणको बिरोधमा  उभिन्छौ   माथा बनेर
छालहरु समुन्द्रको एक पछी एक
अनेक लहर भएर उभिन्छौ  |

साभार - 'जनजागृति ' वष -१,अंक -१ (असोज २०२६ )