जसलाई केही दिन्छे
उसबाट केहि पाउदिन
जसबाट केही पाउँछे
केही दिन नसकी लज्जित हुन्छे
दिने र पाउने
मोलतोलको व्यापारमा
धरान
इनरुवा भएर निर्लज्ज शासन गर्न सक्तिन
पोखरा भएर
रूपको खेती गर्न सक्तिन
बिराटनगर भएर
सत्तामा पुग्न नसकेकी धरान
कुल्चिने पाइला भएकी छे
कुल्चिइने पाईताला भएकी छे |
जसले जति कुल्चे पनि
बाँचिरहेकी छे
बाँचिरहेकी हुन्छे ... मायालु धरान |
लक्ष्मी सडकका कविता ' बाह्रौ संकलन (२०६६ )
No comments:
Post a Comment