जसरी जंगलमा एउटा पात
जसरी मरुभूमिमा एउटा कण
जसरी अन्तराल समयमा एउटा क्षण
एउटा कणको के गणना
एउटा क्षणको के गणना
तर, साथी
कणहरुकै थुप्रो हो मरुभुमि
क्षणहरुकै अविरल प्रवाह हो समय
थोपाहरुकै जमघट हो समुद्र
म एउटा थोपा सुकेर जाने
एउटा कण उड़ेर जाने
एउटा क्षण बितेर जाने
बिम्ब हु कि प्रतिबिम्ब
म ..... ?
के लिएर आएको थिएँ
लिएर जानुपर्ने के होला
सब थोक यहीँ थियो
मेरो हो भन्ने भ्रम पालियो
साथी
अझै मलाई भ्रान्ति छ
आखिर , लिएर जाने के होला ?
साभार
उद्घोस , अंक -१ वष -१ (२०५८ )
No comments:
Post a Comment