देशको मुटु

आज देश

केहि ठुला टुक्राहरुमा बिभाजित छ

जुन प्रत्येक टुक्राहरु एक एक ठुला-बडाको भागमा परेको छ

अंश- बन्डा

धनको भाग - बन्डा  यसरि भएको छ कि

लाग्छ, देश ठुलो पाउरोटी हुन् गएको छ

जसले जति ठुलो टुक्रा निल्न सक्छ , निले हुन्छ

जो जति धेरै मोटाउँ न सक्छ , मोटाए हुन्छ

जसले  जति धेरै चुडाएर  बेच्न सक्छ , बेचे हुन्छ

मोटाउने, निल्ने र बेच्ने क्रममा

देश जीवित भएर बाँच्ने भए  यसको मुटुमा

प्रत्येक टुक्राका प्रत्येक ठुला-बडाले एक एकवटा पिन घोप्दै

देशको मुटुलाई छिया छिया पार्दा निस्केको आवाजसंगै

आफ्नो बीरत्व , पुरुषार्थ  र साहसको गीत गुन्जाउने थिए

जुकाले झैँ देशको रगत चुसेर आफ्नो महानताको बिगुल बजाउने थिए

आफ्नो  चातुर्य, विवेक र देशप्रेमको तथाकथित इतिहास

देशको मुटुबाट बगेको रगतले लेख्न लगाउने थिए

अनि , टी. बी. र क्यान्सरले खाइसकेको देशको छातीमाथि उफ्रदै

ताण्डव न्रित्य  गर्दै

जसको भाग उनीहरुले लुटेर खाए

जुन  देशवासीहरुलाई चुसेर खोस्टो झैं बनाए

उनीहरुको  बिरुध्द जहिल्र पनि

जस्तो सुकै अस्त्र -सस्त्रको प्रयोग गरेर लडन परे पनि

युध्दको  एकतर्फी घोषणा गर्दै

देशको मुटुमा घोपीएको पिन हातमा उजाउदै

लाखौ  पीडित मुटुहरुमा घोप्न जाइलाग्ने थिए

लाखौ शोषित मस्तीश्कहरुमा हमला गर्न जाइलाग्ने थिए

लाखौ शोषित हातहरुलाई वशिभूत पार्न जाइलाग्ने थिए

फलस्वरुप , लाखौ मुटुहरुबाट बगेको रगतले

लाखौ वशीभुत हुन् नसकेको हातहरुको स्वतन्त्रताले

नंया बिहान जन्माई सकेको हुनेछ

नयाँ  जीवन निम्त्याई सकेको हुनेछ

र  त्येतिबेला , देश टुक्रा टुक्रामा बिभाजित हुनेछैन

देशको मुटुमा पिन घोप्ने

अर्काको भाग खोसेर आफु मोटाउने पध्दति रहने छैन

र, त्येस  बेला _

देश, माटो, हावा., पानी सबै सबैको साझा भैसकेको  हुनेछ

सबै देशवासीको मुटु साझा मुटु भैसकेको हुनेछ

सबै सबैको रक्तको साझा थोपा भैसकेको हुनेछ  |

साभार
'उत्साह ' पुर्नाङ्क  ४८ (२०४४)